افضل ماقيل في الشعر

    شاطر

    مشعل الليل
    عضو ملكي
    عضو ملكي

    عدد الرسائل : 496
    المزاج :
    المهنه :
    الهوايه :

    تاريخ التسجيل : 21/08/2009

    جديد افضل ماقيل في الشعر

    مُساهمة من طرف مشعل الليل في الأربعاء 3 مارس - 4:30

    تبي تشوف صـورة الذل صح
    شف دمعة الفرقى على خد رجال
    ...
    الحب لا منه بغى يجرح أنسان
    خلاه للناس المعانين .. فرجـه
    ...
    يـا هووه ماكل الليالي تساهيل
    وش لـذة الدنيـا بليّا معانـاة
    ...
    من عذابي حطك الله لي حبيب
    وحـط في قلبك غرام المصلحه
    ...
    من هرجة الناس والعذال لا تهتم
    لوهم يحـسون فينا ما حكو فينا
    ...
    ما يفضح أللي حب إلا آخر اللحضات
    لا مد كفـه بالوداع وصد بعيونه
    ...
    قالوا تودع .. قلت يا صعب الوداع
    وشلون أودع من معه قلبي وديع
    ...
    بشـر أللي ينتضر يـوم الفراق
    قل تبـاعدنا ولا يمـكن نعـود
    ...
    أن حكى غصب عليهم يسكتون
    وأن سكت تسكت معه كل الرياض
    ...
    جرح الحبايب لذة الحب وأفراح
    يا زينـها والله جـروح التغلي
    ...
    أكتب الأيـام في شعري غـزل
    كـل بيت عاش في عمري حياة
    ... (خالد الفيصل)
    من قال ما أحبك من قال ما أبيك
    أنت أمـل عمري وشمعة حياتي
    ...
    أسمحي لي يالغرام العف يا الوجه السموح
    إن لزمت الصمت أو حتى لبست الأقنعه
    ...
    لا جيت أبكي أرفعي هامتك فوق
    قولي قدرت أذل من كان غـالي
    ...
    غاب الشفق والليل كتف سواده
    والساري الموعود تاهت خطاويه
    ... (دايم السيف)
    إذا ماقلت لك في يوم : أحبك وأعشقك وأهواك
    أحس أني جحود لخالقي في نعمة شفاهي
    ...
    يا نـاس هذا البيت لا تهدمونه
    خلـوه يبقى للمـحبين تذكـار
    ...
    راسي ولو شح الزمن ما حنيته
    ما بقى إلا أنتي توطـين راسي
    ...
    ليت الشوارع تجمع أثنين صدفه
    لا صـار شباك المواعيد مجفي
    ... (البدر)
    يا زيـن زولك يا بعد كل مزيون
    يا شمـعةٍ بالـدار يبرق سناها
    ...
    خلاص ذا الهيل ما يشتاق للدله
    ملت عصافير عشقي جنة أغصانك
    ...
    مهـما قلت أحـبك حـب مابه
    كلام .. وصفـك أعجز مـا أجيده
    ... (البدر)
    مشاعرك نسمه ونغمات واللهام
    بس الوهـم عيب القلوب الرقيقه
    ... (سعد آل سعود)
    مثل الشجر مهما رفع هامته فوق
    يبقى مصيره مرتبـط في جذوره
    ... (محمد العريعر)
    منهو أللي يسـتطيع يشب ضوء
    تحت موج البحر في كومة حطب
    ... (خالد بن يزيد)
    لولا الهرم والفقر والثالث الموت
    يالآدمي في الكـون ياعضم شانك
    ... (محمد السديري)
    لو المراجل جاشها كـل من راد
    ماصـار بعيـال الـحمايل نداوي
    ... (عيسى العيساوي)
    يا شينها لا صرت بين إختيارين
    مستـقبـلك وإلا حـبيب تـوده
    ... (سليمان المانع)
    صدك عن أللي ملتفت لك ردى حظ
    وركضك ورى أللي مهو يمك مذله
    ... (ريميه)
    كـم واحـدٍ له هرجةٍ ما هرجها
    يكنـها لـو هـو للأدنين محتاج
    ... (محمد الأحمد السديري)
    والله أحبه درى وإلا فلا يدري
    يكفيني أني أحبـه وأعشق دروبه
    ... (سعود بن بندر)
    بعض البشر لو قصد .. شعره بدون أحساس وشعور
    وبعض البشر من هرجه .. تحس بشاعريه
    ... (هلا المطيري)
    لا تسألوني جروح الأمس وش سّوت
    ترى جروحي مواجعها على الطاري
    ... (مشهور البلوي)
    ما للخطأ في بعض الأحوال تفسير
    أحيان نزعل نـاسٍ نشري رضاهم
    ... (سعد آل سعود)
    والله أني بوسط الناس كني خلاوي
    من يلوم المفارق عقب فرقى خويه
    ... (خالد الفيصل)
    نصف زيـن الخلايق في عيونـه
    وبـاقي الزيـن في باقيـه كله
    ... (دايم السيف)
    يا صاحبي طالت علي المسافه
    كل ما نشـدتك قلت لي الدرب قدام
    ... (بدر بن عبدالمحسن)
    أغليك وأللي كون الكون أغليك
    حب الغـلا ماهوب حب المزوحي
    ... (غيوض)
    بين البَرد والبْرد ياصاحبي فرق
    وبينك وبين الناس حاجه وحاجه
    ... (سعود بن عبدالله)
    نبقى ولو طال الزمن رمز الأحباب
    ونبقى لو أن الوقت لونه رمـادي
    ... (فيصل بن تركي)
    تـروح سنـين وتـجي سنـين
    وأنـا ويـاك أحلـى أثـنـين
    ... (عبدالعزيز سعود البابطين)
    أرخيت لك جفنٍ نسته المناديل
    وأعتقت لك عينٍ عليك محزومه
    ... (نايف صقر)
    أحبك وصل وأبعاد وأحبك رضا وعناد
    ولا يختلف وعدي ولاينتقض عهدي
    ... (دايم السيف)
    المعجزه موتي وأنا حي موجود
    ضاقت صحاري الكون بعد الأحبه
    ... (فهد عبدالكريم الأحمد)
    أختلفنا من يحب الثاني أكثر
    وأتفقنا .. أنك أكثر وأنا أكثر
    ... (أسير الشوق)
    الـناس تاخـذ فايدتك بثواني
    وأنا تواعدني من الصيف للصيف
    ... (سعود بن بندر)
    ليت العمر يهدى أبهديك عمري
    تستاهل الأيام يا زهو الأيـام
    ... (خالد الفيصل)
    يا خوف قلبي يجي لك يوم وتصدمني
    وتمشي على جروح قلبي وتنكر أحساسي
    ... (علي مساعد)
    كلي حبـيبك وأنت ياكـل حبي
    روحينً جمعنا جسد بالوفا ضاق
    ... (محمد البراهيم)
    حان الفراق وتم توديـع غالين
    قسوة زمن وظروف ماهي رحيمه
    ... (عابرة سبيل)
    صدقيني قلبي يحكي لك حقيقه
    صـدقيني ما أرى غيرك مـلاك
    ... (مخاوي الليل)
    يا حبـيبي هانـت عليك المحبه
    لا وا حسايف عقب هاك المواثيق
    ... (دايم السيف)
    أجيك لامن تأكدت أني .. علاجك
    ماهي محبة ولكن .. شيمةٍ فيني
    ... (صالح البادي)
    خلاص بطلت لا أسمع ولا أتكلم
    ماغير عينٍ تشوف ويدٍ قصيره
    ... (عايض الضفيري)
    أبحث عن أحلامي وضحكت محياي
    مستقبلٍ مجـهول قلـبي يخافه
    ... (عبدالله الحملي)
    محضوض فيك وفيك ماني بمعتاض
    وجفواك ما والله على البال تطري
    ... (عبدالله مقعد العتيبي)
    تكفى تعبت ومنـك ذبلت حياتي
    أطف الفراق وشب شمع المواصيل
    ... (علي السبيعي)
    أنا أعتبرها كبوة جـواد ويقوم
    وأنـت أعتبرها زي ما تعتبرها
    ...
    هلا بأللي يدفيني بصوته في ليالي البرد
    هلا بأللي برعشة صوت عذره تركد أعضامي
    ... (أسير الشوق)
    مايذبح الرجال غير أنـه يشوف
    أخـس خـلق الله ياخـذ مكانه
    ... (طلال حمزه)
    تندم وتفقد من حـواليك خـلان
    يصعب عليك تعيد ما كان ماضي
    ... (خالد عبدالرحمن)
    في غيبتك كل الملا عندي أغراب
    ما أحد أبي قربه .. ولا أحد يبيني
    ... (البدر)
    لو حاولوا زرع الفتن والمسامير
    ما يفرحون بصدتي عن صديقي
    ... (محمد العريعر)
    تذكروني .. مع سنا الفجر لا لاح
    تذكروا من حطـكم راس مـاله
    ... (صدى الحرمان)
    حطم غرورك يوم .. من شان غاليك
    وأكسر جدار الكبر دام أنت غالي
    ... (محمد القباني)
    لا تحسب أنك بالتعاسه لحـالك
    أعلم ترى عايش معك بالشقى ناس
    ... (علي القحطاني)
    يا بعدهم كلهم .. يا سراجي بينهم
    عطني من دنياك حبك .. وأترك الباقي لهم
    ... (سامي الجمعان)
    العقل ما باح لي فـعل الجـنون
    وأدري أنـه ما تعرض صحبتك
    ... (مخاوي الليل)
    على ذكراك أنا باقي ولا غير هواك أحساس
    حاولت أنساك بفراقي ولقيت أني نسيت الناس
    ... (بدر المليحي)
    وين أنت قبل أللي مضى من سنيني
    يا مسعد باقي حياتي بالأفـراح
    ... (غيوض)
    تعبت يدي من كثر ما أقدم الساعه
    ودي تجي قبل الوعد يا مناة الروح
    ...
    سجيت ما أدري ضيعني عيوني
    وأللي سهى فيك يا صاحبي معذور
    ... (محمد البراهيم)
    بهديك قلبٍ صـار حبك مقـره
    مليت توزيع المشاعر على الناس
    ... (فلاح السبيعي)
    يا وش بقى بأعطيك مني ولا جاك
    مابـقى إلا روحـي أحيا بها لك
    ... (خالد الفيصل)
    علّم جنوني نعمة العقل عندك
    يمكن يحس وينهي الحب ويتوب
    ... (عائض القرني)
    أجاذبك الهوى وأطرب وأغني
    وأبـادلـك الغـرام بـكل فـني
    ... (دايم السيف)
    قف وناضر دمعتي يوم أدرجت
    يـوم شفتك نـاويٍ تـرحل بعيد
    ... (غيوض)
    مابي من البسمه أثر في شفاتي
    يكفي أشوف الإبتسامه في شفاتك
    ... (مخاوي الليل)
    غلاي لك صافي ولا فيه تزييف
    أصفى من المي القـرع الزلالي
    ... (غيوض)
    يا صاحبي ما فادنا كثر الأعذار
    وأللي في خاطرنا عجزنا نطوله
    ... (محمد البراهيم)
    هذي أنتي أحلى من أول وأكثر
    هذي أنتي أحلى من كل البنـات
    ... (خالد البذال)
    قالوا تحبه قلت ماهو بالحـيل
    بس أنه أغلى شوي من نور عيني
    ... (سعود بن بندر)
    أحبك كل أخباري عسى عمري يروح أفداك
    عسى بعض الشعور أللي جرابي يجري بدمك
    ... (علي مساعد)
    ياعل قلب ما شكى الحب والتاع
    تنهار من فوقه محاني ضلوعه
    ... (دايم السيف)
    يا ناس أحبه والمحبه مقادير
    هـذا هـوى قـلبي وهذا قدرها
    ... (خالد الفيصل)
    غالين والله مابها زيف وخداع
    والحب واضح في كلامي وشعوري
    ... (الناصر)
    أنا بليت بحبكم مـن هبالـي
    وإلا أنت ضلٍ مالنا فيه مقيال
    ... (عبدالله الفيصل)
    أحشم خويك عن دروب الرذاله
    ترى الخوي عند الأجاويد له حال
    ... (أبوزيد الشمري)
    لا تمدح الرجال من غير تجريب
    كـم واحدٍ مثـل الزبد يضمحلي
    ... (عبدالله التميمي)
    الأتحادات حسب الأنضمه واللوائح
    أنسحاب الفريق يسجلونه هزيمه
    ... (محمد بن مشيط)
    كل رجـل في حياته له مـيول
    والهوايـه تـمتـلك رجـالـها
    ... (خالد الفيصل)
    لو يفيد النصح بعقولٍ مريضه
    كـان .. ماتبت يدين أبو لـهب
    ... (فيصل الطواله)
    أفرح إلى من جاء مجالٍ لطاريه
    ذكـره يسـليني وقربـه غناتي
    ... (بندر الناصر)
    كانوا وكنا والهوى كان والشوق
    سيرة غرام وعادة الوقت غدار
    ...
    ياصاحبي .. ما أنت أول إنسان بكيته
    لكن أنت .. آخر دموع الكسافه
    ... (فيصل بن طواله)
    ورده .. وتقطف من ورد البساتين
    أثر الورود أحيان تقطف بعضها
    ... (سعد الفهد)
    مانيب من يتبع المقفين يا نايف
    طبعٍ ورثته من أللي مات ما خرف
    ... (ضيدان بن قضعان)
    ماهمني لو قالوا الناس حبيت
    متعدي الخمسين .. شين أسمراني
    ... (عجايب)
    الرخيص يحتاج يتغلى لأجل يغلى
    لكن الغالي ليش يتغلى وهو بالحيل غالي
    ... .. ياغالي
    ما للكسر يا سيدي إلا الجبيره
    والوقت يجبر كل مكسور خاطر
    ...
    قالوا تعرفه قلت وأعرف حلاياه
    بدرٍ وكل الخلق مثلي تراعيه
    ... (محمد السديري)
    سافر وترجع ياحبيب على خير
    وأشوفكم عقب السفر بالسلامه
    ...

    جورى
    عضو فضي
    عضو فضي

    عدد الرسائل : 181
    المزاج :
    المهنه :
    الهوايه :

    تاريخ التسجيل : 14/04/2010

    جديد رد: افضل ماقيل في الشعر

    مُساهمة من طرف جورى في السبت 17 أبريل - 9:29

    يسلموووووووووووو

      الوقت/التاريخ الآن هو الثلاثاء 6 ديسمبر - 11:00