ودي أموت اليوم

    شاطر

    محمد العكبري
    عضو مميز
    عضو مميز

    عدد الرسائل : 174
    العمر : 27
    الترفيه : كشتات
    المزاج :
    المهنه :
    الهوايه :



    تاريخ التسجيل : 04/05/2009

    مجايشي ودي أموت اليوم

    مُساهمة من طرف محمد العكبري في الأربعاء 13 مايو - 3:09

    بسم الله الرحمن الرحيم


    ودِّي أمُـوتْ .. اليُـوم ... وأعيـش باكـر
    وأشوفْ مِنْهـو .. بعـد مُوتـي فقدنـي ..!

    ومِنْهو حَمَلْني لِيـن .. ذِيـكْ .. " المقابـر"
    وأشْكـرْ أنـا .. كِـل مِـنْ كَرَمْنـي ودِفنِّـي

    وبشُوفْ .. يرثيني أنـا كَـمْ [ شاعـر ] ..؟
    ومِنْهو تركْنـي .. ومـا كِتَـب شَـي عنِّـي

    شِخصٍ تعنَّـى لـي .. مـع إنـه .. مسافـر
    وشِخـصٍ قِريـبٍ .. وآنـا مَيِّـت / طعنِّـي

    وشِخصٍ يمثِّل دمعِتَـه .. مـا هـو قـادر !
    وشِخصٍ تِطيـح دموعـه كِـلْ مـا ذكرنـي

    ومِنْهو مِـنْ أهلـي ف العَـزا كـان حاضـر
    ومِنْهو دعى لي فـي " صلاتـه " ورحمنـي

    ومِنْهـو بنـى [ بإسمـي ] سبيـل ومنابـر
    ومِنْهـو يفـز قلبـه .. إلا مِــنْ لمحـنـي

    ومِنْهو عشانـي : طُـول الأيـام ساهـر ..!
    ومِنْهـو ثـلاث أيَّـام .. راح وتركنـي ..؟

    ومِنْهـو يرتِّـب .. غرفتـي .. / والدفاتـر
    وإن شاف ( صوره ) لـي صاح وحضنِّـي

    يالله عسـى .. مـا تغفـى كـل المشاعـر
    ويالله عسـى .. مـا ينصِـدِم يُـوم ظـنِّـي

    خايـف يـروح العُمْـر .. وأكُـونْ خاسـر
    وإن طـار طيـري .. مـا يفيـد / التمنِّـي

    وخايـف يجينـي وقـت : أكْسِـر خواطـر
    إن دارت الدنـيـا .. وزمـانـي كسـرنـي

    ومـدام هـذي الدنيـا .. صـارت مظاهـر
    وكِـلْ مَـنْ علـى كيفـه .. وجَـوَّه يغنـي

    الضيـق وافـي .. والحـزن حيـل وافــر
    والجـرح أكثـر شـي .. شفتـه يحبـنـي

    عايـش وميِّـت بيـن .. ماضـي وحاضـر
    والصبـر [ مفتـاح الفـرج ] ضـاع منِّـي

    قل وش تبـي وتتركنـي يـا حزنـي آمـر
    مسكيـن فرحـي / تصـدِّق إنَّ وحشنـي !!

    ( شاعـر ) ولكنِّـي .. مانـي ب شـاعـر
    ودِّي أمـوت اليـوم .... وأرتـاح منِّـي










    محمد بن عبد الله العكبري

    نور
    عضو فضي
    عضو فضي

    عدد الرسائل : 182
    المزاج :
    الهوايه :



    تاريخ التسجيل : 07/05/2009

    مجايشي رد: ودي أموت اليوم

    مُساهمة من طرف نور في الأحد 17 مايو - 2:57

    ومِنْهو عشانـي : طُـول الأيـام ساهـر ..!
    ومِنْهـو ثـلاث أيَّـام .. راح وتركنـي ..؟


      الوقت/التاريخ الآن هو الأحد 4 ديسمبر - 3:40