راااائعه وجميله قصيدة لأهل الحكمه

    شاطر

    محمد العكبري
    عضو مميز
    عضو مميز

    عدد الرسائل : 174
    العمر : 27
    الترفيه : كشتات
    المزاج :
    المهنه :
    الهوايه :



    تاريخ التسجيل : 04/05/2009

    مجايشي راااائعه وجميله قصيدة لأهل الحكمه

    مُساهمة من طرف محمد العكبري في الثلاثاء 19 مايو - 0:56

    بسم الله الرحمن الرحيم

    قال المثل من سار في الطرقه وصل = واللـي يريـد النايفـه يرقىلـهـا
    والنايفـه دايـم علـى قمـة جبـل = تختار مـن بيـن الجبـال طوالهـا
    كم عشت مابيـن السعـاده والملـل = رحلـه لهـا غايـه وانـا رحالهـا
    بغيتهـا بالهـون جتنـي بالعـجـل = وورتني الدنيـا وشفـت احوالهـا
    وش عـاد لـو إنـا سكنـا بالفلـل = وإلا تحت شجـره يميـل ظلالهـا
    ننـزل بـدارٍ غيرنـا فيهـا نـزل = ومن قبـل ننزلهـا رحـل نزالهـا
    ولابد مانرحل سـواة اللـي رحـل = وعيالنـا تحكـي الخبـر لعيالـهـا
    واللي تمدّيه الليالـي فـي المهـل = ويصـارع ايامـه وسـود ليالـهـا
    لابـد بعـد العلـم يرجـع للجهـل = وخزايـن اسـراره يفـك اقفالهـا
    ماضيع إبن آدم كما طـول الأمـل = ولاطـوّل الآجـال طـول آمالهـا
    نعمل بهالدنيـا وإذا حـان الأجـل = نفـس الفتـى مرهونـةٍ باعمالهـا
    في ساعةٍ فيهـا حسـاب ولاعمـل = تـوزن خفـاف أعمالنـا وثقالـهـا
    والموت عندي خير من لحظة خجل = تحطنـي فـي حـالـةٍ يرثالـهـا
    من خوفها صابر كما صبر الجمـل = والقوم مااهرج غيـر مـع عقالهـا
    والوافيه لاجت من اصحاب العقـل = لاشـك مانـي ناقـصٍ مكيالـهـا
    أوقف لهـا لاجاتنـي وقفـة بطـل = واثبت وجودي في عيـون أبطالهـا
    وإلا الضعيفة مالهـا عنـدي بـدل = لاهـي تهيّضنـي ولامـن قالـهـا
    انا أعتبرهـا بنـدقٍ ثـارت عيـل = مـن دون قصـد وخجّلـت نقالهـا
    والهرجه اللـي بيّـنٍ فيهـا الخلـل = غش النفوس اللـي خبيـثٍ فالهـا
    يعرف لها راعي المحايل والحيـل = واهـل النفـاق تشيلهـا باحثالـهـا
    ما سببت لـي لاحمـاس ولازعـل = متعديـه مـرت علـى منوالـهـا
    قدامها في الخبـت ياكثـر الهمـل = حيث إن ما للهيـم غيـر إهمالهـا
    وانا ليا شفت العقيـم مـن الجـدل = أشعب ذلول الشعـر فـي مدهالهـا
    آخذ رسنها من محـل إليـا محـل = واقطع بهـا وادي القصيـد لحالهـا
    أبعد مواطيهـا عـن دروب الزلـل = وتسرنـي فـي إقفايهـا وإقبالـهـا
    ومادام أنا صدري سليم مـن العلـل = لوهي تنوخ فـي الخـلا باحمالهـا
    عقالها مكسب علـى قـول المثـل = ينفعـك مـن ناقتـك لـو عقالـهـا


    ابو صباء
    عضو ملكي
    عضو ملكي

    عدد الرسائل : 571


    تاريخ التسجيل : 06/12/2008

    مجايشي رد: راااائعه وجميله قصيدة لأهل الحكمه

    مُساهمة من طرف ابو صباء في الثلاثاء 19 مايو - 19:37

    عقالها مكسب علـى قـول المثـل = ينفعـك مـن ناقتـك لـو عقالـهـا

    رائعة القصيدة وتواجدك الدائم في المنتدي ومشاركاتك هي الاروع
    عساك علي القوة دوم

      الوقت/التاريخ الآن هو الأحد 4 ديسمبر - 3:40