الرقم بايخ لكن الصوت قتــــــــــــــــــــال

    شاطر

    نور
    عضو فضي
    عضو فضي

    عدد الرسائل : 182
    المزاج :
    الهوايه :



    تاريخ التسجيل : 07/05/2009

    مجايشي الرقم بايخ لكن الصوت قتــــــــــــــــــــال

    مُساهمة من طرف نور في الجمعة 22 مايو - 0:45

    البارحة جاني من الحـب مرسـال=من عقب ما بيني وبينـه خصيمـة
    وانا ترى في الحـب مانيـب فعّـال=ولا بعـد ولّـع بقلبـي هشيـمـه
    ولا بعد غنّيت فـي ساعـة وصـال=ولا بعـد ذقـت الفـراق وجحيمـه
    ولا جرى دمعي على الخـد همّـال=ولابعـد جربـت مــرّ الهزيـمـة
    حتى وردنـي تالـي الليـل جـوال=وانا على شاهـي وبسكـوت ديمـة
    الرقم بايـخ لكـن الصـوت قتـال=كنه مثل صـوت المذيعـة حليمـة
    قالت مساء الخير يـا طيّـب الفـال=قلـت ارحبـي ترحيبـةٍ مستديمـة
    بالعود والصفـري ودلـة وفنجـال=واجبك يا بنـت الأصـول الكريمـة
    ردت بضحكة ثم قالت وش الحـال؟=قلت اشهد إن الحال عقبـك سقيمـة
    قالت وهي تضحك بعد مثل الأطفـال=وأنـا بعـد كنـي بدونـك يتيمـة
    من يـوم قالتهـا تزلزلـت زلـزال=من فجعتي كنـي مسـوي جريمـة
    قلت ارفعي صوتك ترى مابه ارسال=كـذاب لكـنّ المصيبـة عظيـمـة
    قالت أقول اسمع ترى هرجنا طـال=ممكن تصاحبنـي ترانـي وسيمـة
    واسمي الحقيقي أول حروفه الـدال=لكـن يسمّونـي البنـات الزعيمـة
    صحيح أحب الفخفخة واعشق المال=لكـن ترانـي طاهـرة مستقيمـة
    ما عندي امغازل ولا (لعـب يهّـال)=ما عندي إلا في الشرف والحشيمـة
    بس الصراحة قلبي لشوفتـك مـال=واصبحت وحدك جالسٍ في صميمـه
    فكّر بعقلك واتـرك القيـل والقـال=واحذر تطيع اهل العقـول العقيمـة
    وارسل علي الحين خمسمية ريـال=أشحن بهـا جـوال أختـي غنيمـة
    أو طقم غالي فيه خاتـم وسلسـال=أروح به فـي عـرس ولاّ عزيمـة
    قلت الحقيقة مانيـب رجـل أعمـال=ولانـي بتاجـر والمـوارد عديمـة
    أنا الصراحة شبـه عطّـال بطّـال=وعلاقتـي بالفقـر جـداً حميـمـة
    والراتب الله يرحم الحـال مـا زال=محدود والمصـروف ربـي عليمـه
    والديـن بـالآلاف والبنـك شغّـال=ياكـل فلوسـي بالربـا والظليمـة
    والسوق طايح والغلا ضيّـق البـال=والموت والله صاير اكبـر غنيمـة
    قالت تحمّل بـس والحمـل ينشـال=خلك شديد الباس صلـب العزيمـة
    ياخي تصرّف جعلك اتصيـر نشّـال=أهـم شـي إن النوايـا سليـمـة
    لابد تفهمنـي علـى كـل الأحـوال=ما دمت من أهل العقـول الفهيمـة
    قلت إيه والله فاهم اللي على البـال=لكـن تـرى هـذي علينـا قديمـة
    يا بنت هـذا صايـر اليـوم مـوال=للي تبي تلعب علـى ابـن اللئيمـة
    يا بنت ما تدرين كـم فيـه محتـال=يلعب على الحبلين وانتـي غشيمـة
    يا بنت كم من جاهلة دمعهـا سـال=من عقب ما جات العواقب وخيمـة
    والبنت لا اقفى عرضها بيد الأنـذال=والله مـا يبقـى لهـا أي قيـمـة
    قالت تبـي ولاّ فخلّـك علـى جـال=مهـوب ناقصـي نصايـح حكيمـة
    عز الله إنك للأسـف منـت رجّـال=وانك قليل الذوق مـا فيـك شيمـة
    يا لعنبو اللي مـا يسطّـرك بنعـال=حتـى يعلمـك الغـزل يـا بهيمـة
    ( تفو ) عليك وصكّت الخط في الحال=مدري ( تفو ) هي مدح ولاّ شتيمـة

    القصيده منقوله ولاأعرف من شاعرها

    سلملم

    ابو صباء
    عضو ملكي
    عضو ملكي

    عدد الرسائل : 571


    تاريخ التسجيل : 06/12/2008

    مجايشي رد: الرقم بايخ لكن الصوت قتــــــــــــــــــــال

    مُساهمة من طرف ابو صباء في السبت 23 مايو - 0:14

    والبنت لا اقفى عرضها بيد الأنـذال=والله مـا يبقـى لهـا أي قيـمـة
    صحلسانك

    أبوعبدالعزيز
    عضو نشيط
    عضو نشيط

    عدد الرسائل : 50


    تاريخ التسجيل : 04/12/2008

    مجايشي رد: الرقم بايخ لكن الصوت قتــــــــــــــــــــال

    مُساهمة من طرف أبوعبدالعزيز في الأحد 24 مايو - 0:32

    تسلــــم القصيـــدة جــدا جميلــة وأسلوب أجمــل والمعانــي ساميـة وألفاظ سلسة والأفكار قويــه .. ..موضوع القصيدة ((الرقـم بايخ ولكـن الصـوت قتــال)) هــذا هو الثبات على نجاح النص.. لا أستطيع الأ أن اقول لك أبلــغ الثنـاء قال رسول صلى الله عليه وسلم: (( من صنع إليه معروف فقال لفاعله : جزاك الله خيرا فقد أبلغ في الثناء )). صحيح الجامع.. أتمنى المــزيد وتسلــم أخي فالله..وأكـرر (( جزاك الله خيرا )).

    ابو يوسف
    عضو ذهبي
    عضو ذهبي

    عدد الرسائل : 367
    الهوايه :



    تاريخ التسجيل : 16/12/2008

    مجايشي رد: الرقم بايخ لكن الصوت قتــــــــــــــــــــال

    مُساهمة من طرف ابو يوسف في الأحد 24 مايو - 4:40



    قصيده غايه في الروعه

    تقبل مروري

    نايف
    عضو مشارك
    عضو مشارك

    عدد الرسائل : 19
    المزاج :
    الهوايه :

    تاريخ التسجيل : 18/05/2009

    مجايشي رد: الرقم بايخ لكن الصوت قتــــــــــــــــــــال

    مُساهمة من طرف نايف في الإثنين 25 مايو - 7:21

    تسسسسسسسسسسسسلم يانور

    كتكوته؟؟؟
    عضو نشيط
    عضو نشيط

    عدد الرسائل : 35
    العمر : 26
    المزاج :
    المهنه :
    الهوايه :

    تاريخ التسجيل : 15/05/2009

    مجايشي رد: الرقم بايخ لكن الصوت قتــــــــــــــــــــال

    مُساهمة من طرف كتكوته؟؟؟ في الخميس 28 مايو - 7:14

    جنااااااااااااااااااااااااااااااااااااان يــــانور


    يسلموووووو على القصيده الحلوه اكييييد زي صااحبها

      الوقت/التاريخ الآن هو الخميس 8 ديسمبر - 15:50